【一早開fb就有女同事爆seed】
公司有兩部水機，一部舊式，即係捧上去倒插，預咗冇人換水;另一部叫新式啲，插條喉落樽水度，可惜要拖樽水過嚟，所以都係冇乜人肯換。雖然男仔唔係老馮要換，但我真係見過有男同事拎住個杯，入到pantry見水機冇水，佢哋寧願唔飲，行返轉頭當見唔到。
女仔弱質纖纖當然可以求助啦，但小編親眼見過最離譜嘅一次，係喺舊公司發生，個茶水姐姐成60歲有多，唔夠力換水，嗰間係用舊式水機，茶水姐姐本能反應叫最近pantry嗰位男同事幫手，條四眼仔竟然答:好多email，唔得閒。我坐隔開兩行最後個位，見佢個mon睇緊漫畫囉仆街，卒之忍唔住出去幫手換，其實換樽水啫，前後都唔使一分鐘。另外，就算你公司有男同事肯換，有冇發覺來來去去都係嗰一兩個男同事換，其他嗰啲......算啦，辦公室係咁上下。
Search